მეცხრე დღის რეფლექსია

დღევანდელ დღეს დამთავრდა უაღრესად საინტერესო და საჭირო ტრენინგი. თითოეულმა წევრმა გავაკეთეთ საკუთარი პორტფოლიოს პრეზენტაცია და კოლეგებისაგან მივიღეთ შეფასებები და შენიშვნები

მერვე დღის რეფლექსია.

ტრენინგი თანდათან დასასრულს უახლოვდება და ჩვენი ცოდნის არიალიც ფართოვდება. დღეს შევავსეთ  კითხვარი დიფერენცირებული სწავლების შესახებ, მოვაწესრიგეთ პორტფოლიო და გავაზიარეთ. შევავსეთ ინფორმაცია "ჩემ შესახებ", დავიწყეთ სასწავლო პროცედურების შევსება, რომელსაც სახლში დავამთავრებთ.

მეშვიდე დღის რეფლექსია.

დღევანდელი დღე, როგორც ყველა დანარჩენი, დატვირთული  და საინტერესო იყო. წარმოვადგინეთ საშინაო დავალება, მოსწავლის სავარაუდო პროექტი, რაზედაც მივიღეთ ტრენერისა და მსმენელებისაგან შენიშვნები და რეკომენდაციები.  განვიხილეთ და დავიწყეთ შევსება მოსწავლის სავარაუდო ნაშრომის შეფასების ცხრილისა და აგრეთვე გავიხსენეთ ბლოგზე პრეზენტაციის ატვირთვა. ბრავო, ქალბატონი ლალის ენერგიულობასა და ნიჭიერებას!

მეექვსე დღის რეფლექსია

დღევანდელი დღე იყო ძალიან დატვირთული. გავეცანით საავტორო უფლებების პრეზენტაციას და შაბლონს. აგრეთვე გამოყენებული ლიტერატურის შაბლონებს და რაც მთავარია დავიწყეთ მუშაობა მოსწავლის სავარაუდო ნაშრომზე.  ვისწავლეთ პრეზენტაციის გამოქვეყნება ბლოგზე.

მოსწავლის ნაშრომი

მე-5 დღის რეფლექსია

მე-5 დღეს შევავსეთ სასწავლო პროექტის გეგმის შაბლონი, განვიხილეთ შეფასების რუბრიკები და მივიღეთ საშინაო დავალება

მეოთხე დღის რეფლექსია

დღევანდელი დღე საკმაოდ დატვირთული და საინტერესო იყო. განვიხილეთ თითოეული მსმენელის პროექტის მიზნები, ტრენერისა და ერთმანეთის  შენიშვნების გათვალისწინებით მოვახდინეთ ჩასწორება. აგრეთვე შევიმუშავეთ
მიმართულების მიმცემი საკვანძო კითხვები.

მიმართულების მიმცემი საკვანძო კითხვები

ზოგადი კითხვა

• თქვენი აზრით ყველა შემოთავაზება სანდოა?

თემატური კითხვები

• რატომ არის მნიშვნელოვანი პროცენტების ცოდნა
• რა განსხვავებაა ბანკის მარტივი დარიცხვის წესსა და  რთული დარიცხვის წესს შორის?

შინაარსობრივი კითხვები

• როგორ ვიპოვოთ რიცხვის პროცენტი?
• როგორ შევადაროთ ათწილადები?

სასწავლო პროექტის მიზნები

          მოსწავლეები შეძლებენ:

• ინფორმაციის მოპოვებას ბანკებიდან ანაბრების კატეგორიების შესახებ,  როგორც  ლართან, ასევე დოლართან მიმართებაში; 

•  მოპოვებული ინფორმაციის კლასიფიკაციას;   

•   მიღებული შედეგების ირგვლივ მსჯელობას, ანალიზს  და შედარებას;   

•   შედარების საფუძველზე დასკვნის გამოტანას, თუ რომელი    კატეგორიის ანაბარი და    რომელი ვალუტა მოგვცემს მეტ სარგებელს; 

•  პრეზენტაციის მომზადებას და აუდიტორიის წინაშე წარდგენას;

21-ე საუკუნის უნარ-ჩვევები

     

  

•     არჩევანის გაკეთება და გადაწყვეტილებების მიღება;

• ·    ინფორმაციის კლასიფიკაცია, ანალიზი და სინთეზირება პრობლემის   გადასაჭრელად.

• ·    ინფორმაციის ეფექტურად და ეფექტიანად მოპოვება, კრიტიკული და კომპეტენტური შეფასება.

• ·         დროისა და სამუშაო დატვირთვის ეფექტური განკარგვა;

• ·         დავალებების განსაზღვრა, პრიორიტეტების მინიჭება და შესრულება პირდაპირი ზედამხედველობის გარეშე

• ·         ადეკვატურად და პრიორიტეტულად თანამშრომლობა

მეორე დღის რეფლექსია

 ტრენინგზე ჩამოვაყალიბეთ პროექტით სწავლების იდეები საგნების მიხედვით და მოვისმინეთ ერთმანეთისა და ტრენერის რეკომენდაციები. ვისწავლეთ ბროშურის დასამზადებლად ფურცლის დაყოფა ნაწილებად და თითოეული ნაწილი როგორ უნდა შევავსოთ. მივიღეთ დავალება - ბროშურის დამთავრება.

სტანდარტები

VIII - 2.  მოსწავლეს შეუძლია რაციონალურ რიცხვებზე მოქმედებების სხვადასხვა
                ხერხით შესრულება.

• იყენებს პროცენტის კავშირს რიცხვის ნაწილთან; 

• შეუძლია რიცხვის პოვნა მისი პროცენტით ან ნაწილით;

• პოულობს მოცემული როცხვის პროცენტს და ხსნის შებრუნებულ ამოცანებს;

• აფასებს რაციონალურ  რიცხვებზე არითმეტიკული მოქმედებების შედეგს;

• ადარებს რაციონალურ რიცხვებს.

                

                                     ვენდოთ თუ არა ბანკების შემოთავაზებებს?
          საქართველოში საკმაოდ მომავლდა კერძო თუ სახელმწიფო ბანკების რაოდენობა და ერთმანეთის კონკურენციის მიზნით მოსახლეობას სთავაზობენ დაბალპროცენტიან სესხებს, მაღალპროცენტიან ანაბრებს და კიდევ სხვადასხვა სახის მომსახურებას. რომელია მათგან უმჯობესი?
          მოსწავლეები გამოიკვლევენ ერთ-ერთი  კონკრეტული  ბანკის შემოთავაზებას, მოიპოვებენ  ინფორმაციას სხვადასხვა სახის ანაბრების შესახებ როგორც ლართან, ასევე დოლართან მიმართებაში,  ჩაატარებენ შესაბამის  მათემატიკურ გამოთვლებს, დაახარისხებენ  და გაანალიზებენ თითოეულ მათგანს,  შეადარებენ ერთმანეთს , იმსჯელებენ და გააკეთებენ დასკვნას, თუ რომელი კატეგორიის ანაბარზე და რომელი ვალუტით იქნება შესაძლებელი მეტი სარგებლის მიღება. მიღებულ შედეგებს განათავსებენ ბლოგზე და გააკეთებენ პრეზენტაციას.